skip to main | skip to sidebar

Pages

  • Home
  • കഥ
  • കവിത
  • നര്‍മ്മം
  • അനുഭവം
  • യാത്ര
  • നുറുങ്ങുകള്‍

THUNCHANY

August 02, 2011

മിഴി നീര്‍ മുത്തുകള്‍




പുല്‍ തുംബിലൂഞാലാടും മഞ്ഞിന്റെ കണം പോലെ
കണ്ടു ഞാന്‍ നീര്‍മുത്തുകള്‍ നിന്‍ മിഴിപ്പീലി തുമ്പില്‍
കാരണമന്വേഷിക്കാന്‍   തുടിച്ചു മനം വൃഥാ.....
കഴിയില്ലെന്നോര്‍മിപ്പിച്ചു  നീറുമെന്‍ അന്തര്‍ഗതം

മനസ്സിന്‍ അകക്കണ്ണില്‍ തെളിയും ചിത്രങ്ങളില്‍
നിറമാര്‍ന്നൊരു  പുഷ്പം നീ തന്നെ എനിക്കെന്നും
നീട്ടിയ കരങ്ങളില്‍ എത്തി പിടിച്ചെന്‍ കൂടെ നീ
നീളുന്നോരെന്‍ യാത്രയില്‍ കൂട്ട് പോന്നവള്‍ അല്ലെ

ഇരുള്‍ മൂടി കിടന്നോരെന്‍ അന്തരാത്മാവിന്‍ കോണില്‍
നീ നീട്ടും മിഴി വെട്ടം ചോരിഞ്ഞൂ പ്രഭാപൂരം
അല്ലലോഴിയാത്തോരെന്റെ ജീവിത കൂരക്കുള്ളില്‍
അന്തിത്തിരി കത്തിച്ചു നീ അകത്തമ്മയായ്‌ മാറി 

ചലിചൂ കാലം മെല്ലെ ചരിചൂ നമ്മള്‍ കൂടെ
ആശ തന്‍ ഭാണ്ഡം പേറി സ്വപ്ന വീഥിയിലൂടെ
തളര്‍ത്തി വിധിയിന്നെന്നെ തളര്‍നൂ സ്വപ്നങ്ങളും
സ്നേഹിപ്പൂ നീയിപ്പോഴും വിധി വൈപരീത്യത്തെ

മോഹിച്ചൂ നിരവധി ... തരുവാനായില്ലോന്നും
തരുവാനെന്‍  നെഞ്ചത്തിന്‍ തേങ്ങുന്ന സ്വരം മാത്രം
നിന്‍ കണ്ണിണകളില്‍ നിറയും നീര്‍മുത്തുകള്‍
വീഴട്ടെന്‍ മാറില്‍ പ്രിയേ.... നെഞ്ചകം തണുക്കട്ടെ ...
(ഈ കവിതക്ക് വൃത്തമോ അലങ്കാരമോ മറ്റോ ഇല്ല)
ചിത്രം കടപ്പാട് .. ഗൂഗിള്‍
പോസ്റ്റ് ചെയ്തത് വേണുഗോപാല്‍ ല്‍ 17:27 14 അഭിപ്രായ(ങ്ങള്‍) Email This BlogThis! Share to Twitter Share to Facebook

August 01, 2011

ഒരു ഫോണ്‍ വിളിയുടെ ഓര്‍മയ്ക്ക് ---(മിനി കഥ )


കമ്പ്യൂട്ടര്‍ സയന്‍സ് ഡിഗ്രിക് പഠിക്കുന്ന മകന്റെ മോബയ്ല്‍  ഫോണിലേക് എപ്പോള്‍ വിളിച്ചാലും സംഗീതം മാത്രം ... ഫോണ്‍ എടുക്കില്ല ... സഹി കേട്ട് ഒരുദിവസം ചോദിച്ചു ... നിനക്ക് കൂടുകാരുടെ ഫോണ്‍ അറ്റന്‍ഡ് ചെയ്യാം .. അച്ഛന്റെ കാള്‍ എടുത്താല്‍ പൊന്തില്ല അല്ലെ... ഉത്തരം ഉടന്‍ വന്നു. ഞാന്‍ ക്ളാസ് അറ്റന്‍ഡ് ചെയ്യുമ്പോള്‍ എങ്ങിനെ കാള്‍ അറ്റന്‍ഡ് ചെയ്യും . എന്റെ ദേഷ്യം ഇരട്ടിച്ചു. എപ്പോഴും ക്ളാസ്  ആണോട...ശബ്ദം അല്പം ഉയര്‍ത്തി ഞാന്‍ ചോദിച്ചു .  അതിനു ഉത്തരം കിട്ടിയില്ല

ഇന്ന് സുഖമില്ലാതെ കോളേജില്‍ പോയ അവന്റെ ആരോഗ്യ സ്തിഥി അന്വേഷിക്കാം എന്ന് കരുതി ....  മോശം പറയരുതല്ലോ ..സംഗീതം തുടങ്ങിയതും മറുതലക്കല്‍ ശബ്ദം കേട്ടു.. എന്താ അച്ഛാ .. ഹാവൂ ..സന്തോഷമായി .  അനുസരണ ശീലത്തെ മനസ്സില്‍ പ്രകീര്‍ത്തിച്ചു പറഞ്ഞു .... നിനക്ക് പനി കൂടുതലില്ലല്ലോ എന്നറിയാന്‍ വിളിച്ചതാ ... സുഖമാണ് എന്ന് പറഞ്ഞു  തീരും മുന്‍പേ ബന്ധം വിചേധിച്ചു... പാവം ...ഫോണ്‍ സെല്‍ ഡൌണ്‍ ആയി കാണും... നിമിഷങ്ങള്‍ കഴിഞ്ഞില്ല...അതാ അവന്‍ വിളിക്കുന്നു .. മറ്റൊരു നമ്പറില്‍ നിന്ന് ..

സംഭാഷണം ഇങ്ങിനെ ... അച്ഛന്‍ വിളിച്ചപ്പോള്‍ ഞാന്‍ കമ്പ്യൂട്ടര്‍ ലാബില്‍ ആയിരുന്നു .. ലാബ്‌ ഇന്‍ ചാര്‍ജ് ഫോണ്‍ വാങ്ങിച്ചു പ്രിന്‍സിപ്പലിനെ ഏല്പിച്ചു . അച്ഛന്‍ വന്നു രിഗ്രെറ്റ് ലെറ്റര്‍ എഴുതി കൊടുത്തു ഫൈന്‍ അടച്ചു തിരിച്ചു വാങ്ങാം . ഞാന്‍ പുറത്തു കാത്തു നില്കുന്നു .. ഉടനെ വരണം .

ഓടി കിതച്ചു കോളേജില്‍ എത്തി ... അവന്റെ ക്ളാസ് നഷ്ടപെടാന്‍ പാടില്ലല്ലോ ... മുഖം മുഴുവന്‍ മറഞ്ഞു കിടക്കുന്ന കറുത്ത കണ്ണടയും കസേരയില്‍ കൊള്ളാത്ത ആകാരവുമായി പ്രിന്‍സിപ്പല്‍..ഫിനിഷിംഗ് പൊയന്റില്‍ എത്തിയ  അത്ലെടിനെ പോലെ ഞാന്‍ കിതച്ചു കിതച്ചു മൊഴിഞ്ഞു ...... സുഖമില്ലാതിരുന്ന അവനെ വിളിച്ചത് എന്റെ തെറ്റാണെന്നും ഇനി അങ്ങിനെ ഉണ്ടാവില്ലെന്നും ആംഗലേയ ഭാഷയില്‍ തന്നെ വിനയത്തോടെ അറിയിച്ചു. ക്ലാസ്സില്‍ ഫോണ്‍ ഉപയോഗിക്കാന്‍ പാടില്ലെന്നും ഇനി ആവര്‍ത്തിക്കരുതെന്നും മകനെ പരുഷമായി നോക്കി കൊണ്ട് അവര്‍ ആക്രോശിച്ചു...  തല കുനിച്ചു മുതുകു വളച്ചു എസ് മാടം എന്ന് ഞാനും അവനും പറഞ്ഞത് ഒരേ സ്വരത്തില്‍ .

കൌണ്ടറില്‍ നൂറു രൂപ ഫൈന്‍ അടച്ചു രശീതി കൈപറ്റി മടങ്ങുമ്പോള്‍ മകനെ സ്നേഹത്തോടെ ചേര്‍ത്ത് പിടിച്ചു പറഞ്ഞു ... ഇനിമുതല്‍ അച്ഛന്‍ നിന്നെ വിളിക്കില്ല .. എന്തെങ്കിലും ആവശ്യം ഉണ്ടെങ്കില്‍ മോന്‍ എന്നെ വിളിച്ചാല്‍ മതി... ഇനി ഇത് വീട്ടില്‍ ചെന്ന് അമ്മയോടൊന്നും വിളംബണ്ട(സഹധര്‍മിണി അറിഞ്ഞാല്‍ പൈസയുടെ മൂല്യത്തെ കുറിച്ച് നടത്തുന്ന പ്രഭാക്ഷണം കേള്‍ക്കാന്‍ വയ്യ എന്നതിനാല്‍) എന്ന് ഒരു അടികുറിപ്പെന്ന പോലെ അവനെ ഓര്‍മിപിച്ചു നടക്കുമ്പോള്‍ അറിയാതെ തന്നോട് തന്നെ പറഞ്ഞു പോയി ... ഈ കുട്ടികളുടെ ഓരോരോ കാര്യം ... ദിവസ ഫലത്തില്‍ ധാരുവാല പറഞ്ഞിരുന്നു ... ധനനഷ്ടം , സമയ മോശം ...അങ്ങിനെ പലതും . 
.

ചിത്രം കടപ്പാട് .. ഗൂഗിള്‍
പോസ്റ്റ് ചെയ്തത് വേണുഗോപാല്‍ ല്‍ 19:40 3 അഭിപ്രായ(ങ്ങള്‍) Email This BlogThis! Share to Twitter Share to Facebook
Newer Posts Older Posts Home
Subscribe to: Posts (Atom)
പ്രിയ വായനക്കാര്‍ക്ക് തുഞ്ചാണിയിലേക്ക് സ്വാഗതം !!!!

തുടിതാളം ബ്ലോഗ്ഗിലേക്ക്

Thudithalam

Followers


Popular Posts

  • ചേമ്പിലക്കുടയും തെക്കന്‍കാറ്റും
    " ഹോ.. വല്ലാത്ത മഴ ട്രെയിനുകള്‍ ഓടുന്നുവോ ആവോ ? സ്കൂള്‍ ബസ്‌ വന്നോ എന്ന് നോക്ക്യേ ..." അടുക്കളയില്‍ പാത്രങ്ങളുടെ തട്ടുമുട...
  • ജന്നത്തുല്‍ ഫിര്‍ദൌസ്
    മക്ക പിടിച്ചടക്കാന്‍ എത്തിയ അബ്രഹത്തിന്റെ ആനപ്പടയെ കല്ലെറിഞ്ഞു തുരത്തിയ അബാബില്‍ പക്ഷി കൂട്ടങ്ങള്‍!! അവ മാനത്ത് തീര്‍ത്ത അന്ധകാരത്തെ മനസില...
  • വേനല്‍പൂവുകള്‍
    മുംബൈ വി ടി  (ഇന്ന് മുംബൈ സി എസ് ടി)  യിലെ എട്ടാംനമ്പര്‍ പ്ലാറ്റ്ഫോമില്‍ വണ്ടി  എത്തിച്ചേര്‍ന്നത്‌ വൈകുന്നേരം അഞ്ചു മണിക്ക്.  ശ്രീകൃഷ്ണ ട...
  • നേത്താവലിയിലെ കാറ്റ്
    ഇരുണ്ട ആകാശത്തില്‍ അങ്ങിങ്ങായ്‌  ചില നേരിയ  രേഖകള്‍ കോറിയിട്ട് ഒരു വെള്ളി വെളിച്ചം ഗുന്ജ്ജന്റെ മുഖത്തു പതിച്ചു.  സജലങ്ങളായ അവളുടെ കണ്‍കോണു...
  • അതിഥി ദേവോ ഭവ:
    മുംബൈയില്‍ എത്തി ആദ്യ കുറച്ചുനാള്‍ ഞാന്‍ നാട്ടുകാരനും എന്‍റെ  ബന്ധുവുമായ  ചന്ദ്രേട്ടനോടൊപ്പമാണ്  താമസിച്ചത്.  അദ്ദേഹത്തിന്‍റെ വിവാഹശേഷം ...
  • പ്രയാണം
    ഉച്ച വെയിലിന്‍ ചൂട് കുറയാന്‍ തുടങ്ങുന്നതെ ഉള്ളൂ.  കാലത്തിറക്കിയ ഇളനീര്‍ ഭൂരിഭാഗവും വിറ്റ് പോയിരിക്കുന്നു.  അവശേഷിക്കുന്ന അഞ്ചാറെണ്ണം മുന...
  • പാത്തൂന്റെ പാസ്‌
    എന്റെ കുട്ടികാലത്ത് മതുപ്പുള്ളി  എന്ന എന്റെ ഗ്രാമത്തില്‍ റേഷന്‍ കട നടന്നിരുന്നത് സെന്ററിലുള്ള ഞങ്ങളുടെ മൂന്നു മുറി കെട്ടിടത്തിലായിരുന്നു....
  • തമ്പും തേടി
    ഭഗവതിക്കാവിലെ കൊടിയേറ്റുത്സവത്തിന്‍ നാളിലാണ്‌ കാര്‍ത്തു ആദ്യമായി കൊച്ചമ്പ്രാനെ കണ്ടത്.  ആരവങ്ങള്‍ക്കിടയില്‍ നാലഞ്ച് വാല്യക്കാര്‍ക്ക് നടുവി...
  • മോന്തികൂട്ടം
    ഗ്രാമത്തെ  ഇരുകരകള്‍ ആയി വിഭജിക്കുന്നത് നടുവില്‍ പരന്നു കിടക്കുന്ന വിശാലമായ നെല്‍പാടമാണ്.  പാടത്തിനു നടുവിലൂടെ തെക്കെകരയെയും വടക്കേകരയും ബ...
  • മിച്ചഭൂമി
    എഴുപതുകളിലെ എന്റെ ഗ്രാമം .  കാര്‍ഷിക വൃത്തിയെ മാത്രം ആശ്രയിച്ചു ജീവിക്കുന്ന ഭൂരിഭാഗം വരുന്ന ഗ്രാമീണ ജനത . അടുത്തെങ്ങും ഒരു പോലിസ് സ്റ്റേഷ...
Powered by Blogger.

Labels

  • അനുഭവം (2)
  • കഥ (4)
  • നര്‍മ്മം (2)

Blog Archive

  • ►  2014 (1)
    • ►  January (1)
  • ►  2013 (1)
    • ►  March (1)
  • ►  2012 (5)
    • ►  September (1)
    • ►  June (1)
    • ►  March (2)
    • ►  January (1)
  • ▼  2011 (8)
    • ►  December (1)
    • ►  October (1)
    • ►  September (2)
    • ▼  August (2)
      • മിഴി നീര്‍ മുത്തുകള്‍
      • ഒരു ഫോണ്‍ വിളിയുടെ ഓര്‍മയ്ക്ക് ---(മിനി കഥ )
    • ►  July (2)

About Me

My photo
വേണുഗോപാല്‍
മുംബൈ, മഹാരാഷ്ട്ര, India
താളങ്ങളുടെ നാട് എന്ന് ഞങ്ങള്‍ ഓമനപ്പേര് വിളിക്കുന്ന പാലക്കാട്‌ ജില്ലയിലെ പെരിങ്ങോട് ജനനം. പെരിങ്ങോട് ഹൈസ്കൂള്‍ , പട്ടാമ്പി കോളേജ് എന്നിവിടങ്ങളില്‍ വിദ്യാഭ്യാസം. ഇരുപതാം വയസ്സില്‍ പ്രവാസിയായി മുംബൈ നഗരത്തിലേക്ക്. താളങ്ങളുടെ നാട്ടില്‍ നിന്നും മഹാനഗരത്തിലേക്ക് പറിച്ചു നട്ടപ്പോള്‍ നഷ്ട്ടമായ ജീവിത താളം വീണ്ടെടുക്കാന്‍ വര്‍ഷങ്ങളോളം പ്രവാസത്തിന്റെ കടുത്ത പാതകളിലൂടെ തളര്‍ന്നും നിവര്‍ന്നും ഗമനം. ഇടക്കെങ്ങോ കൈമോശം വന്ന എഴുത്തും വായനയും തിരിച്ചു പിടിക്കാന്‍ നടത്തുന്ന ശ്രമങ്ങളുടെ ഭാഗമായി ഈ-എഴുത്തും വായനയും തുടങ്ങി വെച്ചു. വഴി കാണിക്കുക. തെറ്റുകള്‍ തിരുത്തിത്തരുക.
View my complete profile

Total Pageviews

Labels

  • അനുഭവം (2)
  • കഥ (4)
  • നര്‍മ്മം (2)

Facebook Badge

Venu Gopal

Create Your Badge

ജാലകത്തിലേക്ക്...

ജാലകം

Blogroll

 
(c) Copyright 2010 THUNCHANY. Designed by Blogspot Templates
Supported by Video Game Music, Website Hosting, VPS Hosting